中环、西环食乜好 大玩穿越寻秦记设计风 食材汤底+服务

作者: 分类: J惠生活 发布于:2020-06-15 869次浏览 75条评论

(Present by 火锅撚)

香港人经常被美食包围,对饮食有一定认识同要求,味蕾更进化到只要食物一入口,就能分辨出质素优劣。美食天堂虽然食肆众多,但做到「食不厌精,脍不厌细。」的却只有少数,而「火锅撚」就以严选上乘食材、精细烹调手法、创意点心饮品、穿越古今元素同细心服务态度等,成为近年备受大家喜爱嘅养生火锅聚脚地。

 

文火慢炖足料养生汤锅

汤底係整个火锅嘅精萃所在,呢度嘅养生汤锅系列强调以文火慢炖几个钟,唔单止火喉十足,更达到温补滋阴、祛湿解困嘅食疗功效,包括镇店推介「蜂巢豆腐白汤锅」、自选辣度「祖传秘製麻辣锅」、开胃醒神「一品酸菜白肉锅」、家人至爱「妈妈滋补老火汤锅」、素食专用「素之滋润汤锅」,同埋西环旗盘店限定嘅「招牌胡椒猪肚鸡锅」!建议大家要趁热饮一至两碗汤先,再慢慢灼烚其他配料,等汤底慢慢吸收食材精华。

中环、西环食乜好  大玩穿越寻秦记设计风   食材汤底+服务「招牌胡椒猪肚鸡锅」係西环店限定口味!特选三黄鸡胜在肉质鲜嫩弹滑、皮脆脂薄骨软。将整只鸡酿入猪肚里面,再加入猪骨汤及秘製汤料煲煮而成。汤汁顺滑如丝,既有丰盈鸡豚肉香,又夹杂住少许药材同胡椒辣香,温润滋补得嚟更有层次余韵,仲有专人将猪肚鸡剪成一口size畀你食。由于限量供应,想食就要提早预定啦!

 

中环、西环食乜好  大玩穿越寻秦记设计风   食材汤底+服务养生鸳鸯锅内两款中式白红汤底,分别係「蜂巢豆腐白汤锅」同「祖传秘製麻辣锅」。白汤被喻为镇店推介,含整条韩国人蔘、猪骨汤、鸡汤、自家製蜂巢豆腐、忌廉牛奶、红枣、杞子、党蔘、白蔻、当归等益气补脾嘅食材。而红汤就综合咗几十种食疗药材同四川香料,味道醇厚芬芳、麻香辛辣兼备,仲有台湾鸭血同自家製蜂巢豆腐等配料,係好辣人士同想祛湿解困人士必食嘅养生汤锅!

 

环球搜罗精选肉类海鲜

「火锅撚御用手切肥牛」係皇牌必食推介!每日精选本地新鲜靓牛肉,由师傅细心切成薄片,霜花分布均匀,肉质鲜嫩爽脆;还有日本A4特级霜降和牛、极品安格斯肥牛、特级牛脷托、骰子牛肉粒同鲜牛黄喉(限量),等你食匀全球优质靓牛!而呢度嘅顶级梅花猪肉、极品黑豚肉、酒糟五花肉,都係味之极品!海鲜仲有重量级沙巴龙趸斑、生猛蛏子皇,又有特级三文鱼、原只牡丹虾、日本特级帆立贝、加拿大野生象拔蚌等刺身,同埋各类鲜活海产任你拣。

中环、西环食乜好  大玩穿越寻秦记设计风   食材汤底+服务仙气逼人嘅「火锅撚御用手切肥牛」每片都油花均称、牛肉味浓,为保持牛肉半生熟嘅最佳口感,仲会以小牌温提大家只要灼8秒即可食用,避免过熟影响味道同口感。

 

中环、西环食乜好  大玩穿越寻秦记设计风   食材汤底+服务「顶级梅花猪肉」嘅玫瑰花造型加上仙气摆盘同样叫人惊艳!严选肉质爽脆软滑、肉味甘香油润嘅本地优质新鲜梅花猪肉,经完全灼熟后入口竟有种瞬间溶化的可口感,不过大部分客人都会忍唔住相机食先。

 

中环、西环食乜好  大玩穿越寻秦记设计风   食材汤底+服务

约2斤重嘅「沙巴龙趸斑(原条)」,被喻为「斑王」!每片都呈均匀细薄嘅蝴蝶形状,轻灼几秒就可以入口,而且肉质仲要超级爽弹、鲜甜无比。

 

黄金流沙小食+创意手工点心

独家「爆好味黄金系列」真係好邪恶,但真心好好食!咬落甘香脆口,流沙咸香惹味,计有七味黄金炸一口金砖豆腐、黄金鸡皮同秘製黄金鲜鱿等选择。点心师傅仲帮手设计咗,几款可以用嚟烚吓烚吓嘅手工点心,叫人烚出惊喜新高度。

中环、西环食乜好  大玩穿越寻秦记设计风   食材汤底+服务「黄金椒盐粟米」(左)以咸蛋黄流沙包裹住爽甜嘅粟米条,咸中有甜嘅变化颇为突出。「黄金蛋黄炸鱼皮」(右)炸得薄脆又惹味香口,啲爆脆声就算放咗入口食紧连隔离枱都听到!

 

中环、西环食乜好  大玩穿越寻秦记设计风   食材汤底+服务创意甜点「水晶奶皇饱」同大大粒「蟹籽烧卖皇」,卖相精緻,畀大家放汤烚嚟食。

 

穿越鸡尾酒玩味十足(西环店独有)

养生火锅内提供鸡尾酒,仲要以穿越概念包装设计,相信全港只此一家!「火撚特製鸡尾酒」系列有7款奇趣好玩,睇得、饮得又打(卡)得嘅酒精类特饮,想知箇中滋味就要亲自嚟饮返杯啦!

中环、西环食乜好  大玩穿越寻秦记设计风   食材汤底+服务(由左至右)「荽口荽面」以龙舌兰酒、姜酒、柠檬汁、芫荽同Tabasco调製;「五花大绑」含伏特加、荔枝酒同五花茶;而「花雕那妈」就由咸亨雕皇、苹果汁同青柠混调而成。

 

西环旗舰店+中环分店

「火锅撚」现时喺港岛区有两家分店,分别係佔地5000几呎嘅西环旗舰店,同埋喺兰桂坊酒店对面嘅中环分店。两者都以穿越秦朝作为设计装潢主题,等大家置身其中好似突然变身寻秦记角色咁穿梭古今。而西环店更邀请到多位本地年轻艺术家,为每道墙身绘上唔同香港人文风情嘅涂鸦壁画,大大增加话题性同本土特色。而家只要喺7:30pm 前离座结帐,或喺9:55pm 后入座,都可以享有全单85 折优惠,星期一至日都适用。中环、西环食乜好  大玩穿越寻秦记设计风   食材汤底+服务西环店有好多吸睛嘅香港特色涂鸦,好似呢幅结合咗猛虎同霓虹广告嘅超霸气墙身,就係全场最多人抢住打卡嘅背景。

 

中环、西环食乜好  大玩穿越寻秦记设计风   食材汤底+服务西环店另一面墙身就有本地年轻插画家嘅轻柔绘本,细心留意仲会发现低头睇手机,但又顺利穿梭雪糕筒同路障嘅男生,情景有点似曾相识。

 

中环、西环食乜好  大玩穿越寻秦记设计风   食材汤底+服务西环店贵宾厅(左)同门口(右)都放有兵马俑、石狮门环及木植等装饰摆设。

 

中环、西环食乜好  大玩穿越寻秦记设计风   食材汤底+服务西环店门口。

 

中环、西环食乜好  大玩穿越寻秦记设计风   食材汤底+服务中环店走廊墙身绘有简介「火锅撚」名字由来嘅水墨画。

 

中环、西环食乜好  大玩穿越寻秦记设计风   食材汤底+服务中环店位于兰桂坊酒店对面大厦二楼,非常好找。

 

火锅撚・典艺(西环店)

地址:石塘咀皇后大道西554-560号日富里百好大厦地下1号舖(香港大学港铁站B出口)

电话:2878 8001

网址

营业时间:星期一至日及公众假期 5:30pm-3am

 

火锅撚・典华(中环店)

地址:中环云咸街46-48号云明行3楼(中环港铁站G出口,兰桂坊酒店对面)

电话:9363 8980( WhatsApp)

网址

营业时间:星期一至日及公众假期 5:30pm-3am

 

 

 

<<上一篇: