Oishii!湾仔食乜好!世界串扬代表 正宗大阪风味 薄脆黄

作者: 分类: H嘉生活 发布于:2020-06-08 794次浏览 48条评论

(Presented by Jan Jan串扬)

大阪公认係「日本国民厨房」出名美食种类繁多,更凭美食多到「食到饱」(Kuidaore)特色吸引各地游客蜂涌到访!提到大阪最出名嘅平民美食,一定非有百年历史嘅串扬(串炸)莫属!讲讲吓,大家係咪开始谂起之前去新世界通天阁时,周围都瀰漫住阵阵串扬酥炸香味嘅情景,身体里面嘅美食雷达开始发出讯号?先唔驶急住上网搵机票飞大阪,而家嚟湾仔「Jan Jan Kushikatsu串扬专门店」(Jan Jan )就得啦!

Oishii!湾仔食乜好!世界串扬代表 正宗大阪风味 薄脆黄
炎炎盛夏有咩爽得过,一路享受热脆鲜味嘅串扬,一路大呷冰冻日本啤酒、冷清酒同果实酒呢!所有食材都係当季时令,配合精準利落嘅手法炮製,叫人一食即刻忍唔住大叫Umai!

大阪串扬名牌Jan Jan Kushikatsu 首设海外分店

热爱大阪或关西美食嘅你应该有听过,甚至帮衬过「Jan Jan」呢个大阪串扬品牌,佢哋首家店舖源自新世界通天阁,而家係大阪同东京有13家分店,而香港更加係品牌首个海外分店,之后亦有喺上海开设分店,朝向「世界串扬代表」嘅目标版图进发,以关西美食宣扬日本文化。好多人会形容串扬係B级美食,皆因一众串扬专门店都以服务社会各阶层为主,以平实亲民、价廉味美同选择多样,呢三大特点做招徕,B级其实係形容紧佢哋有几亲民贴地同受大众欢迎。

Oishii!湾仔食乜好!世界串扬代表 正宗大阪风味 薄脆黄
湾仔店面积约千呎,并划分出L型吧枱同塌塌米挖洞座位(VIP房),提供共42个座位。

逾60款串扬串烧美食居酒屋

「Jan Jan」三年前进驻香港,除提供40几款串扬美食外,仲加入20款串烧,更依循日本料理不时不食嘅传统,按时令增添各种季节性食材同饮料,畀大家可以品尝到该种食材全年最佳风味同营养,同时又畀到成日帮衬嘅熟客每次嚟到时,既食到平日喜爱嘅串扬同串烧,同时又有其他味觉新惊喜,呢个都係好多日本居酒屋嘅不成文款客之道。负责人石先生表示,「Jan Jan」香港特别结合串扬、串烧同居酒屋,三种日本酒足饭饱嘅特色元素,以迎合香港客人嘅口味同市场喜好。

Oishii!湾仔食乜好!世界串扬代表 正宗大阪风味 薄脆黄
「免治鸭胸配芥茉葱酱」以法国鸭胸自家製成免治炸香,再配以自家製他他酱、芥茉同红洋葱粒,藉微辛辣味刺激味蕾,增添整体味道同质感上嘅层次变化。
Oishii!湾仔食乜好!世界串扬代表 正宗大阪风味 薄脆黄
「炸蚝配荷兰他他酱」兵库县直送当季特产!内的室津海港水质优良孕育出鲜甜肥美嘅蚝王,生蚝上下分别搽咗自家製他他酱,同埋人手打成嘅蛋黄酱空气泡沫,嚟提鲜同增添风味。

究竟「Jan Jan」嘅串扬有几好食,可以「炸」到冲出本土,成为国际串扬代表?Dining 娜上星期就亲身到访过佢哋嘅居酒屋同厨房观察,同时向负责人同行政主厨请教,综合得出以下结论。

Oishii!湾仔食乜好!世界串扬代表 正宗大阪风味 薄脆黄
「天使虾」採用米芝莲餐厅至爱嘅澳洲蓝水晶虾!生长喺斐澳纯净海域嘅法属小岛New Caledonia,出名虾味浓郁且脚身幼细,经油炸后虾脚口感激似极幼虾条,令人忍唔住一脚不留!

从串炸过程看日匠厨艺精神

首先「Jan Jan」由空间到食物,以至客人嘅衣服,都唔会出现或沾有任何油膉味!呢点係极少数炸物店能够做到嘅,好处係可以令客人专心享用眼前嘅食物,好好投入当下嘅用餐环境气氛。细问下,原来佢哋特别严选3种优质植物油嚟调配成专用炸油,加上全程低温炸物绝不冒(白)烟,既保留食材最纯粹嘅味道同本质,更唔会释出任何有害物质,称得上係聪明用油。同时令串扬做到酥香脆薄,却不腍不腻嘅特点,就算食几多串都唔会有滞腻感。

Oishii!湾仔食乜好!世界串扬代表 正宗大阪风味 薄脆黄
「三文鱼籽海鲜球」一般居酒屋只用虾肉製作,但呢度特别加入北海道帆立贝增加风味,配合大大粒鲜美三文鱼籽,营造出外皮鬆软热脆,入口瞬间爆浆,继而似有股海潮气息注满味蕾同鼻腔,令人食出小确幸心情。

黄金炸衣包住最好食材

上佳嘅串扬要做到炸衣酥脆甘薄犹如金色和纸!炸衣既要鬆化乾身、金黄酥脆,又要呈现出食材原有模样。第一口咬落去会即时感受到食材嘅细緻原味,而余下部分依然係炸衣同食材紧密贴合唔会剥落。要做到呢点真係好靠师傅嘅经验、手势同临场发挥,当然靓食材同秘密配方都好紧要啦!幸好香港分店有日籍行政主厨猜山英树助阵,严格监控同训练每位厨师遵守每个串炸程序,并按照每款食材特质,即场调控炸浆同炸粉嘅完美比例,兼且精準掌控炸油温度同时间。

Oishii!湾仔食乜好!世界串扬代表 正宗大阪风味 薄脆黄
每个串扬製作程序都跟足大阪总店正宗做法,由食材到烹调每个细节一丝不苟。
Oishii!湾仔食乜好!世界串扬代表 正宗大阪风味 薄脆黄
好嘅黄金炸衣能够烘托出食材原有嘅鲜味Umami,好似图中嘅北海道帆立贝咁,就因为外酥脆内鲜甜而备受食客欢迎!

日籍行政总厨驻港严监出品

喺大阪总店已服务十几年嘅日藉行政主厨猜山英树,经验丰富熟练、厨艺精準扎实,嚟港前喺日本专责监控同训练厨师,确保所有分店达到品牌最佳质素。佢同负责人石先生均表示,日本料理向来祟尚减法原则,藉简单细緻嘅烹调手法,去烘托润饰出食材最纯粹嘅滋味;而好嘅串扬会透过炸衣去提升食材本身嘅鲜度、味道同质感。炸衣同食材同等重要,所以会由日本及世界各地,严选引入最合时节嘅时令特产。

Oishii!湾仔食乜好!世界串扬代表 正宗大阪风味 薄脆黄
「海胆汤叶卷」选用京都百年历史、人手製作、黄豆味浓嘅汤叶(腐皮),加上日式料理中最常用嘅天然Umami调味海藻,圈串炸成脆腍层次丰满嘅串扬。最后点上日本三大稀有珍味之一嘅北海道海胆,营造出浓淡有致嘅铺排变化,大推!
Oishii!湾仔食乜好!世界串扬代表 正宗大阪风味 薄脆黄
「日本水果番茄」精选静冈县名物做醒胃前菜,因甜度较其他番茄高出1.5倍,特别鲜甜多汁、爽脆可口,最啱直接冰镇食用,仲可以点少少海盐提升鲜甜度!
Oishii!湾仔食乜好!世界串扬代表 正宗大阪风味 薄脆黄
「三文鱼烧饭糰茶渍」高汤色清味纯,三文鱼油润丰腴,饭糰饱满含蓄,成为整个居酒屋味觉旅程中,体验结尾「缔め」料理嘅首选。

备受本地及日本食客捧场

呢度有好多日本食客光顾,反映出佢哋有几正宗地道,而且由午餐、晚餐到宵夜时段都几乎满座,加上好多客人都会饮酒,气氛非常好,而每款酒都会有指定酒杯配饮,方便客人闻到该酒嘅最佳风味。同时每款串扬、串烧都有专用调味酱料,因行政总厨曾喺日本嘅法国餐厅工作,所以部分酱汁会搵到淡淡嘅法式风味。高丽菜係自助任食,建议喺下一道串扬送上前食用,方便清新味蕾。由于酱汁係「同浸」,所以只能喺未食时蘸点酱油,严禁「翻浸」呀!

Oishii!湾仔食乜好!世界串扬代表 正宗大阪风味 薄脆黄
两间VIP房以传统居酒屋绳暖廉做间隔,超有气氛!
Oishii!湾仔食乜好!世界串扬代表 正宗大阪风味 薄脆黄
墙壁黑板上有当日10大厨师推介嘅手写菜单。

最后想讲想呢度嘅CP值真係几高!午市平均约$100几;晚市平均大概$300几,仲可以拣套餐或者自选。由于人气度高,建议嚟之前记得先打电话订位呀!

Oishii!湾仔食乜好!世界串扬代表 正宗大阪风味 薄脆黄
「Jan Jan」香港强调提供无差别服务,唔会因为你係日本同乡就会有特别待遇。

Jan Jan Kushikatsu串扬专门店(湾仔店)

地址:皇后大道东100号2楼

电话:2157 1408

营业时间:

午市:星期一至五 12pm-3pm

星期六及日 12:30pm-3:30pm

晚市:星期日至四 6pm-11pm

星期五及六 6pm-12am

<<上一篇: