火锅 控注意!成本价$98 歎高质靓海鲜 @Dining娜

作者: 分类: Z城生活 发布于:2020-07-22 111次浏览 58条评论

(Presented by 正斗海鲜火锅馆)

Photo:二彤

身为火锅控,我Dining娜成日都想搵啲性价比高嘅 火锅 。最近朋友话我知有间火锅店踏入7周年,竟然大胆到以成本价$98推出龙虾鲍鱼海鲜拼盘,宵夜时段点鲍鱼海鲜盘,都只係$48,极度吸引!讲嘅就係正斗海鲜火锅馆,店主透露,呢个优惠推出只係两个星期,反应已经好热烈,几乎每枱必叫!佢仲话,成本价食海鲜拼盘未知做到几时,我同班姊妹梗係即刻约饭局啦!

成本价食5、6款靓海鲜

正斗係旺角区嘅活鱼专门店,一直以合理价钱提供高质靓海鲜作为 火锅 配料,多年来深受熟客长期热捧。依家推出嘅$98龙虾鲍鱼海鲜拼盘,有6款时令生猛海鲜,当中龙虾、鲍鱼係必有嘅,今期大厨拣选蛏子、海虾、青口同蚬。而9:30后宵夜时段,只係$48嘅鲍鱼海鲜盘就食到5款海鲜,呢个绝对係成本价,店主话几乎唔赚钱,真係超值!

火锅 控注意!成本价$98 歎高质靓海鲜 @Dining娜
龙虾鲍鱼海鲜盘 $98/位(2位起) 由大厨严选6款时令生猛海鲜,如蛏子、海虾、青口和蚬,当中必备龙虾和鲍鱼,实在抵食!(图为2位份量)

全部海鲜由师傅亲自挑选

正斗嘅海鲜全部新鲜生猛,因为係由师傅每日去街市亲自挑选,例如加拿大象拔蚌,都係由师傅逐只筛选,以确保质量。鲜鱼亦只卖海鱼,因为海鱼味道比养鱼鲜甜得多,无论火锅或小菜,客人一食就知!佢哋亦有活鱼刺身供应,同样每日去街市拣选活鱼,即叫即劏,保证鲜味。想歎靓海鲜,旺角都食到,唔使专登入西贡、鲤鱼门食!

正斗好多火锅配料,例如肥牛、活海鲜、刺身等,都同唔少高级海鲜店来自同一供应商,味道同质素都有保证。

火锅 控注意!成本价$98 歎高质靓海鲜 @Dining娜
鲍鱼海鲜盘 $48/位(2位起,晚上9:30后入座供应) 宵夜时段可以半价食到5款时令靓海鲜(必备鲍鱼),试问边度可以呢个价钱食到?(图为2位份量)
火锅 控注意!成本价$98 歎高质靓海鲜 @Dining娜
特选刺身拼盘 $368(宵夜价$328)店主会喺唔同产地选取时令刺身,例如挪威三文鱼、美国带子,仲有吞拿鱼、希灵鱼、甜虾等,保证新鲜。

夜猫族留意!夜宵 火锅 汤底最平$20

好多上班族都要OT,如果夜晚9:30宵夜时段帮衬正斗,火锅汤底如鸳鸯锅、香荽皮蛋锅、上汤锅都只係$20!3支青岛啤亦一样係$20!好多配料都只係$30或$45!呢度开到凌晨5点,夜猫族可以喺度打边炉兼倾偈,慢慢歎!

火锅 控注意!成本价$98 歎高质靓海鲜 @Dining娜
罗宋鲜茄薯仔猪骨锅 $108自家製罗宋汤底,以猪骨、鲜番茄、薯仔、粟米等健康食材熬足两个钟,鲜甜味美,女仔最锺意点!
火锅 控注意!成本价$98 歎高质靓海鲜 @Dining娜
特级牛颈脊 $198/中、$268/大牛颈脊係店主推介嘅肥牛之选,因为呢个部位嘅肉质软腍弹牙,而且雪花均匀甘香,灼后依然牛味十足。
火锅 控注意!成本价$98 歎高质靓海鲜 @Dining娜
芝士墨鱼丸 $88正斗大部分丸类都係手打,尤其弹牙,呢款喺墨鱼丸里面包住卡夫芝士粒,一次过食到两种口感同滋味,够晒爽!
火锅 控注意!成本价$98 歎高质靓海鲜 @Dining娜
手捲炸响铃 $45、酿三色油炸鬼 $58自家製响铃用枝竹即叫即炸,唔放汤,都可以直接即食!三色油炸鬼分别酿咗墨鱼滑、鲮鱼滑、虾滑,啱晒多心嘅火锅控。
火锅 控注意!成本价$98 歎高质靓海鲜 @Dining娜
鲜虾水饺 $98/8只、$58/4只由师傅自己包嘅鲜虾水饺特别大只,每只都有份量十足嘅鲜虾、猪肉,每人1-2只已经好满足!

正斗海鲜火锅馆*

地址:旺角上海街450号庆华商业大厦地下

电话:2771 5711

备注:设加一,收现金及信用卡。

* 暂此一间,别无分店

<<上一篇: