终于可以插卡试香港Sony A9发布会

作者: 分类: Z城生活 发布于:2020-07-29 777次浏览 38条评论

终于可以插卡试香港Sony A9发布会

Sony终于喺香港正式举行大型嘅A9发布会,虽然之前喺Showroom佢哋已经分别放咗两部机出嚟跳大家玩下,但当时两部机都唔可以插卡试相。终于记者会上Sony就準备咗可以插卡试相嘅A9畀一众记者试玩,效果係点?下面同大家讲讲。

睇试相前不如先再简单介绍一下呢部Sony嘅真旗舰A9有咩特点:

终于可以插卡试香港Sony A9发布会◆ Sony A9无论外形同大小都同之前嘅A7ii系列相若。

终于可以插卡试香港Sony A9发布会◆ 不过手感其实有少少唔同。

终于可以插卡试香港Sony A9发布会◆ 镜头接环亦有所加强。

终于可以插卡试香港Sony A9发布会◆ 今次用咗新设计嘅层叠式感光元件,提升20倍数据读取速度。

终于可以插卡试香港Sony A9发布会◆ 唔单只693个对焦区,对焦同追焦速度都大大提升。

终于可以插卡试香港Sony A9发布会◆ 优BIONZ X处理器运算力亦大大提升。

终于可以插卡试香港Sony A9发布会◆ 机身虽然似A7ii系列,但实际加入咗唔少设计提升操作嘅方便程度。

由于将驱动模式同对焦模式转返成实体转盘畀用家选择,成部机大部份常用功能都可以直接调校。另外依家有埋Joy Stick再加Touch Screen畀你选择对焦区,又快又方便。如果要同A7ii系相比,虽然外形相似但实际操作性上有大大嘅提升。

另外,笔者亦有试过将专用直度把手装上去,一如Sony以往相机一样手握感同直接握住机身手柄拍摄可以话一模一样。可以留意今A9粒电比以往容量高一倍有多,用咗直度把手可以装两粒电池,就变咗相当于有以往4倍几电量,够一般专业用家影足全日相。

终于可以插卡试香港Sony A9发布会

终于可以插卡试香港Sony A9发布会

毕竟记者会上场地有所局限,笔者可以试相其实都有啲局限。不过大会就请嚟一位专影运动嘅职业摄影师Derek Lee同一众记者讲解佢连日嚟试用A9嘅感觉。而笔者之后亦有捉住Derek了解一下佢一啲使用上嘅细节。Derek表示喺追焦能力方面,由于A9拥有接近分布全画面嘅对焦区,所以相比其他单反系统喺追焦时明显冇咁易出现甩焦嘅情况。另外Derek喺台上亦有表示过佢几满意A9喺高ISO时嘅影像质素。

终于可以插卡试香港Sony A9发布会◆ Derek指由于冇黑屏问题,要影呢类球拍啱啱好打中网球嘅相轻易得多

终于可以插卡试香港Sony A9发布会◆ Derek再指出即使用到ISO12800都可以有令人满意效果

下面一张Model相係笔者喺现场用A9配SEL 24~70 f2.8 GM用现场光拍摄嘅一张Model相。笔者就觉得质素算不过不失,但毕竟现场环境唔太好,所以就试住咁多先,下次借到返嚟再同大家详细试用。

另外下面段短片係笔者以20fps配以AF-C追焦连拍嘅效果,笔者将啲相压成短片方便大家睇。

终于可以插卡试香港Sony A9发布会
终于可以插卡试香港Sony A9发布会◆ 呢张係未处理过嘅原相,所以会打侧咗,大家可以揿入张相开大成原相睇下细节

除咗A9,有关方面亦放咗两支新公布嘅超广角变焦镜头喺度,分别係SEL 16~35mm f2.8 GM同埋SEL 12~24mm f4 G。两支镜头都比想像中细支,而支12~24mm更加可以话得上係几轻,不过就唔算太细支,但拎出街应该都好方便下。

最后Sony亦一次过公布大部份新产品喺香港嘅官方定价,但两支新超广角镜头就未有价,简单嚟讲就係迟多少少先会正式发售,大家有兴趣嘅就要再等下喇。

终于可以插卡试香港Sony A9发布会

终于可以插卡试香港Sony A9发布会

<<上一篇: